Naseeb Aazmaane Ke Din Aa Rahe Hain
Qariib Unke Aane Ke Din Aa Rahe Hain
Jo Dil Se Kahaa Hai, Jo Dil Se Sunaa Hain
Sab Unko Sunaane Ke Din Aan Rahe Hain
Abhii Se Dil-O-Jaan Sar-E-Raah Rakh Do
Ki Lutne Lutaane Ke Din Aa Rahe Hain
Tapakne Lagii Un Nigaahon Se Mastii
Nigaahen Churaane Ke Din Aa Rahe Hain
Sabaa Phir Hamen Puuchhtii Phir Rahii Hai
Chaman Ko Sajaane Ke Din Aa Rahe Hain
Chalo Faiz Phir Se Kahiin Dil Lagaayen
Sunaa Hai Thikaane Ke Din Aa Rahe Hain
~Faiz Ahmad Faiz
Bohot Khooooooob,,
ReplyDeletebohot khubsurat ashaar Hai,
bohot wazan Hai,masha allah,,