Zakhm Jhele, Daagh Bhii Khaaye Bohat
Dil Lagaa Kar Ham To Pachhtaaye Bohat
Dair Se Suu-E-Haram Aaya Na Tuk
Ham Mizaaj Apnaa Idhar Laaye Bohat
Phuul, Gul, Shams-O-Qamar Saare Hii The
Par Hamen Unmen Tum Hii Bhaaye Bohat
Gar Bukaa Is Shor Se Shab Ko Hai To
Rovenge Sone Ko Hamsaaye Bohat
Miir Se Puuchha Jo Main Aashiq Ho Tum
Ho Ke Kuchh Chupke Se Sharmaaye Bohat
~Mir Taqi Mir
No comments:
Post a Comment